我哋條村開埠一百八十年嗰晚
我自己一個人喺中環和平紀念碑嗰度
喺地下擺好咗啲嘢
黃頭盔 一個
頭盔上面綁好咗3M護目鏡
黑遮 一把
3M手套 一對
環保蠟燭仔 用電嘅 四五個
裝蠟燭嘅玻璃杯仔 一對
杯仔裏面各有一細餅真係燒得嘅蠟燭
杯身有啲藍色嘅花紋
嗰啲環保嘅同燒得嘅蠟燭 係上年六四喺維園用剩嘅
相比起附近中銀同滙豐嘅五光十色
紀念碑係有啲暗淡無光
碑上面有中文字八隻
英
魂
不
朽
浩
氣
長
存
亦都有英文字
T H E
G L O R I O U S
D E A D
一月廿六號晚
係個平常不過嘅禮拜二夜晚
附近馬路旁邊有啲打工仔喺度等緊村巴
近HONG KONG CLUB嗰邊都有時有打工仔喺度上緊村巴
冇乜人會行過嚟我呢邊
好間中會有一兩個人經過
冇人會停低
除咗有一位先生
佢咁啱停低要整理翻好自己個背囊
冇幾遠有對著住純白色T恤嘅外籍男女
佢哋拖住一隻深色臘腸狗
停低咗
望過嚟
有啲好奇
跟住就走咗
其實我仲帶咗一個鈴
係爹哋媽咪唔知係喺瑞士定澳洲度帶翻嚟嘅
我搖吓個鈴
想引啲人過嚟
不過引唔到
當有人經過嘅時候
我又搖吓個鈴
想引佢停低
不過佢冇
跟住冇幾耐
我就自己一個人
開始數年份
由開埠嗰年
數到最新今年
我會搖兩吓鈴
然後靜靜地同自己講個年份
搖
講
搖
講
LING LING
一 八 四 一
LING LING
一 八 四 二
數頭嗰幾廿年都冇乜特別
直至我出生前一百年
就開始有啲嘢
好似係話緊俾自己聼
一百年之後
我就會出世嘞
跟住嗰廿年又係好似冇乜特別
直至一九零零年
好似又係一件事
跟住繼續數嘅時候
就自自然然會唸起一啲模糊嘅歷史
一 九 一 一
一 九 二 一
一 九 四 一
一 九 六 七
直至我出世嗰年
八十年代嘅小學時期
一 九 八 九
九十年代嘅中學時期
一 九 九 七
千禧年代嘅大學時期
二 零 零 三
二 零 零 八
二 零 一 四
二 零 一 六
二 零 一 九
二 零 二 零
二 零 二 一
然後其實係可以繼續數落去
係應該繼續數
歷史係唔會無端端停咗落嚟
二 零 二 二
二 零 二 三
二 零 二 四
直至我死嗰年
二 零 X X
二 一 X X
二 二 X X
好明顯
我應該已經死咗好L耐
而歷史係依然唔會停落嚟
二 X X X
三 X X X
四 X X X
X X X X
X X X X X
X X X X X X
我再一次望住嗰八隻字
英
魂
不
朽
浩
氣
長
存
呢個世界上
其實真係有好多嘢
都唔會不朽
唔會長存
好似中銀同滙豐嘅五光十色
佢地係唔會不朽 唔會長存
呢個係必然
就算佢地會
都只係可以喺CYBERPUNK之類嘅作品裏面先會發生
小熊維尼都係
佢都係唔會不朽 唔會長存
呢個都係必然
而英魂
係可以不朽
浩氣
係可以長存
佢哋唔係暗淡無光
佢哋仲同緊我哋一齊
呼 吸 一齊
流汗 血 淚 一齊
氣餒 迷失 仇恨 恐懼 一齊
休息 學習 失敗 成功 一齊
高歌 起舞 歡呼 一齊
加油 一齊
勝利 一齊
英魂 一齊
浩氣 一齊
不朽 一齊
長存 一齊
一齊
一齊
