金蘭

BRANDY可能有點兒緊張

看者也可能替她緊張

不過從另一個角度看

這種緊張又好像真的很刺激

刺激起來又有點可愛


SISTERHOOD是什麽一回事？

老手也好 新手也好 是兩種截然不同的ENJOYMENT

姐姐很GENEROUS 妹妹也很COURAGEOUS

VELMA與ROXIE 兩姐妹的關係 頓然活現眼前


衆目睽睽之下 壓力之大 可想而知

緊張嘛 這個當然了

姐姐帶着妹妹 妹妹跟着姐姐

緊張還緊張 不忘交流

學習還學習 不忘享受


關係 這東西

不要演 不用裝


享受 這回事

禁不住 躲不開


於這段名叫“HOT HONEY RAG”的舞蹈裏面

我看見SISTERHOOD

我看見一種傳承

梅

三嬸

早上

我們來看望你

這裡

有棵白杜鵑

有一列列的樟樹

也有一行石春在地上

八時左右

爸 三叔 還有我

在外面排隊

有其他人

有穿便衣的年輕警察來跟家屬會合

有人在招攬殯儀生意

也有蚊子

蚊子咬了我兩口

一口在左手手腕

一口在右手手腕

不怕

我有無比滴

九點鐘

開門

進去

拿籌

坐下

等候

這裡

樓底 很高

有一 天窗

牆身 也有大玻璃窗

今天 雖然 多雲

卻是 大白天

光 隨意 進來

我 往外看

原來 東涌綫 正好經過這裡

介乎荔景與青衣兩個車站的中間

這裡

有不少家屬都戴上了口罩

我們 在這裡 等候

等候 看望你

牆上 張貼了不少已經褪色的海報

眼角膜捐贈

支援自殺者家屬的生命熱線

無盡思念網站

“一號”

三叔跟警察到登記室裏面去

過了不多久

三叔又到另外一間房間去見法醫官

這時候

嬸嬸你的家人也來了

你的大姐姐

你的妹妹們

她們也來了

她們也來看望你

看見她們

我禁不住流起淚來

爸爸跟你的大姐姐閒聊

警察出來了

請我們進去

我們一行十數人

經過走廊

到了一個辦公室

有兩位穿白袍的先生

其中一位請我們到另外一個房間

到那個房間來看望你

一個約一百多平方尺的房間

進去的時候

首先看到一個熒光幕

熒光幕裏

是嬸嬸你睡着的臉

我 忍不住 哭泣起來

有一扇窗

窗外

有兩名帶着口罩的男職員

其中一名

站在嬸嬸你的身旁

嬸嬸

我們來看望你

看望正在熟睡的你

我們不禁真的痛哭起來

我看見了

叔叔痛失摯愛

你的家人痛失一位好姐妹

爸的左手在三叔右邊的肩膀上

兩兄弟

看望着你

歸途上

公路旁的洋紫荊

紫紅色的 粉色的 白色的 都有

河上

一衆大好青年 在划艇

單車徑上

小鐵人 在鍛煉

跑的 踏單車的 都有

生命

無常

卻又如常

嬸嬸

我們看望你

我們懷念你

我們愛你

美津濃

馬場的樹牆

用到塑膠垃圾來建成的雀巢

矮樹上的喜鵲

沒有右手手掌的男人

一看見我停下便起飛的大白鷺

邊聼大戲邊賣雪糕的紅帽婆婆

躍上河面的銀魚

還有大紅花和紅耳鵯

愛死回家

妹頭：嫲嫲，你仲煲劇？家姐失咗縱呀！

嫲嫲：咩話？失咗縱？係唔係貢咗去騎樓呀。。。

***

妹頭：咦？老豆，嘆緊啤酒？

老豆：仲駛講？成間屋最正就係呢個騎樓。做咩呀？有事搵我？

妹頭：唔見咗家姐呀！

老豆：唔係掛，係唔係上咗去天台曬月光呀。。。

***

老媽子：咦？妹頭，乖，幫手收衫。

妹頭：哎呀，到底家姐去咗邊度呀！

老媽子：做咩呀，有事搵家姐？

妹頭：。。。

老媽子：喂！幫手收衫呀！你去邊呀？

妹頭：翻公司呀！

老媽子：喂！禁鬼夜！唔好出去嘞！

***

妹頭：點呀？細舅父，搵唔搵倒家姐呀？

細舅父：你好彩嘞！撞正我返NIGHT SHIFT。如果唔係都米駛指意CHECK倒CCTV呀。。。

妹頭：喂呀，點姐，搵唔搵倒呀？

細舅父：NOPE，SHE'S NOT HERE。。。

妹頭：搞錯呀，敢都搵唔倒？

細舅父：SORRY呀，妹頭，“OI。。。MOK。。。NAN。。。ZOR”呀。。。

***

細佬：嘩！依家幾點呀，二家姐？禁夜仲打黎！聼日唔駛翻工咩？

妹頭：大家姐唔見咗呀！！！

細佬：唉，係唔係又去咗大伯爺間村屋度玩自閉呀？

妹頭：係噃！！！醒唔起添！！！

細佬：唔講嘞。。。如果唔係聼日又俾阿姨閙我唔夠瞓架嘞。。。

妹頭：喂！聼日幫我同阿姨講，話我唔舒服，請一日病假呀！

細佬：唉。。。早唞嘞。。。

***

大伯娘：做咩呀，妹頭，唔駛翻工咩？禁遠水路黎沙頭角呢度做咩呀？

妹頭：。。。

大伯娘：做咩呀？有咩事禁唔開心呀？

妹頭：。。。

大伯娘：黎，講俾大伯娘聼。。。

妹頭：我以爲。。。我以爲家姐黎咗你地呢度。。。

大伯爺：咦，妹頭你黎我地呢度做咩呀？

大伯娘：黎搵阿家姐曪。。。

妹頭：。。。

大伯爺：你唔知咩？你家姐好急敢飛咗上去北京探阿太婆嘛！

妹頭：探太婆？？？

大伯娘：係噃！我都唔記得咗添！等我仲懵剩剩敢！

大伯爺：唉，你又真係零舍老懵董呀！

大伯娘：哈哈哈！哈哈哈！

大伯爺：哈哈哈！哈哈哈！

妹頭：敢家姐幾時先翻呀？

大伯爺和大伯娘：今日中午曪！你依家即刻飛的去都仲趕得切接機架！

***

妹頭：家姐！！！

家姐：咦？？？妹頭？？？點解你會黎接機架？？？

妹頭：家姐！！！我好掛住你呀！！！

姐夫：喂！！！妹頭！！！駁炒呀你！！！唔駛翻工咩！！！

妹頭：咦？？？姐夫？？？你都去咗探太婆？？？

家姐和姐夫：探太婆？？？

妹頭：係呀。。。你地唔係去咗北京探太婆咩。。。大伯爺大伯娘話比我聼架。。。

家姐和姐夫：哈哈哈！哈哈哈！

妹頭：。。。笑咩呀你地。。。

姐夫：哈哈哈！嗰兩個老懵董！

家姐：哈哈哈！你唔記得咗你姐夫同我去咗EUROPE旅行慶祝我地銀婚咩？

妹頭：。。。係噃！！！唔記得咗添！！！嘻嘻嘻！！！

家姐和姐夫：哈哈哈！哈哈哈！正！！！一！！！大！！！頭！！！蝦！！！

家姐和姐夫和妹頭：嘻嘻嘻！！！嘻嘻嘻！！！嘻嘻嘻！！！

《待續》

小周

週三  晚上

馬鐵  車廂

瞥見

小周


還有

應該是他的情人吧


他們倆

靜靜地坐下


沒戴上眼鏡的小周

眼睛

還是好大的一雙


膝蓋上

翻開了

足一寸厚的書本


手裏

拿著  顔色筆

做着筆記


乘客

在往窗外凝望

在聊天

在聼音樂

在閉目養神

在“低頭”


好像

意識不到

去年那場運動裏

那個小周

就在我們中央


我

在偷看

他們倆


靠着他們中央

有富貴竹

一雙


週三  晚上

馬鐵  車廂


我們

幸福

如常

秋分夜話

爸

送我一程

到中大


大白天

烈日當空


百萬大道上

青春無敵


碧秋樓前地

坐下了一整個嘉年華


旗幟   糾察

相機   雨傘


黃絲帶   特刊   貼紙

傳過來   傳過去

傳上來   傳下去


身旁的青年人

輕輕遞上

一小盒得力素

我

拿下了

一小塊白方形

往口裏放

琢磨琢磨

酸酸甜甜

好一塊粉糖


集會之後

飯堂裏

等待兩份外賣公治

外面

呂秉權的背影

還有上百張臉

《中國式維穩》

已經開始


回到百萬大道

論壇上

細説學運三十年


暮色漸濃

圖書館前

聽見小白腰雨燕

在空中來回打轉

邊飛邊唱


壇上的蔡子強

壇下的發問

越來越深沉

直至有位中大校友

來自大馬的一位“超人”

姓邱

名光耀

他那一番教人鼓舞的話

“成功者 永不放棄

放棄者 永不成功”

扭轉了氣氛

掌聲四起


首日罷課

以紀錄片《公民不服從》作結

八時許

大道已被黑暗籠罩

跟隨着一眾年輕的身影

往斜坡走下去

走下去

X住先囖

乖孫：阿爺，D候選人呀，得阿懵、四眼同豺狼揀，點投呀？

 

阿爺：乖孫乖，投住先囖。

乖孫：阿爺，D嘢食呀，件雞睇落有D變色，塊豬柳聞落又有D臭，點食呀？

阿爺：乖孫乖，食住先囖。

乖孫：阿爺，D電視節目呀，來來去去都係嗰班人自己煮比自己食，自己搞比自己笑，自己唱比自己跳，自己頒比自己攞，點睇呀？

阿爺：乖孫乖，睇住先囖。

乖孫：阿爺，D交通呀，一路迫沙甸魚，一路HANG機，一路加價，點搭呀？

阿爺：乖孫乖，搭住先囖。

乖孫：阿爺，D住屋呀，你嗰代就供層樓，阿爸嗰代就供間屋，我地呢代就供間房。越供越細，又越供越貴。一代接一代，又一代不如一代。容乜易我個仔只可以供個床位，我個孫就只可以供個籠。再落去，點住呀？

阿爺：乖孫乖，住住先囖。

（過了一段時間）

阿爺們：哎呀！該煨囉！你地班死嘢呀，做乜鬼嘢傢伙學D乜鬼嘢衰人搞D乜鬼嘢佔中呀？叫我地點頂呀？

乖孫們：阿爺呀阿爺，頂住先囖。

《完》